多蒙特法福大駁火

2020-02-14 12:09:19 来源:网络

今日阿King玩番主流波,過關推介集中喺5大聯賽,重心係德甲多蒙特主場鬥法蘭克福;多蒙特自獲得艾寧夏蘭特加盟後,進攻火力更上一層樓,不過佢哋聯賽連盃賽2連敗,後防輸突有多;法蘭克福近5場4勝1和,狀態大勇有本錢對攻,3.5球中位數入球大咪錯過。(Now 670、Fox+、有線651及611台周六凌晨3時30分直播)

摩納哥讓得起華倫吼半和
19歲嘅挪威新星艾寧夏蘭特為多蒙特上陣5次射入8球,當中仲有3場踢後備,埋門效率驚人,隊友查頓辛祖、杜根夏薩特都擅長助攻,夏蘭特唔愁冇波入,不過多蒙特近2場先喺德盃2比3輸畀雲達不來梅,上場聯賽亦喺兩度領先情況下以3比4不敵利華古遜,後防欠穩成爭勝最大隱憂;法蘭克福歇冬後聯賽連盃賽5場不敗,包括兩度擊敗實力不俗嘅RB萊比錫,表現充滿說服力,而且法蘭克福近6次聯賽鬥多蒙特合共炮製23個士哥,當中5次開4球或以上,中位數3.5球大好穩陣。

另外兩關先講法甲摩納哥主場鬥蒙彼利埃,今場兩軍都有主力停賽,摩納哥有防中泰莫爾巴卡約高倦勤,蒙彼利埃則有首席射手安迪迪洛特及正選門將魯利缺陣,比較下蒙彼利埃受影響較大,摩納哥上盤可捧。(myTV Gold 302、Now 639、有線655及615台周六凌晨3時45分直播)

最後西甲華倫西亞主場鬥馬德里體育會,馬體會聯賽連盃賽近6場僅1勝,狀態麻麻,華倫西亞就有入局慢毛病,近5場比賽全開半場和,今場不妨再追多鋪。(Now 632周六凌晨4時直播)

今晚买什么生肖是特马